مجلة مدرسة السادات الاعدادية
 
الرئيسيةاليوميةس .و .جبحـثالأعضاءالمجموعاتالتسجيلدخول
مرحبا بكم فى منتداكم .. منتدى صحافه مدرسه السادات الاعداديه بفرشوط .. يسعدنا مشاركتكم معنا ونتمنى لكم قضاء وقت سعيد.. تحت اشراف الاستاذ محمد على الشيخ . اخصائى الصحافه بالمدرسه

شاطر | 
 

 مسرحيه جحا والحمار

اذهب الى الأسفل 
كاتب الموضوعرسالة
الجنتل مان الصغير
عضو نشيط جدا
عضو نشيط جدا
avatar

عدد المساهمات : 725
تاريخ التسجيل : 16/11/2012
العمر : 20
الموقع : فرشوط شارع ابو سحلى

مُساهمةموضوع: مسرحيه جحا والحمار   السبت نوفمبر 17, 2012 9:34 am

- (ينادي منادي بطبلة من وراء الستارة)
- المنادي: يا أهل الحي.. يا أهل الحي.. الوالي عامل وليمة كبيرة وداعي كل أهل الحي فيها.. يا أهل الحي يا أهل الحي هيا إلى وليمة الوالي...
- جحا: إيه ده إنت سامع اللي أنا سامعه ده يا حماري؟
- الحمار: (ينهق) أيوة يا جحا سامع (ينهق)
- جحا: طيب إيه رأيك نروح ناكل في الوليمة؟
- الحمار: لا يا جحا إنت كل ما تروح وليمة بتفضحنا وبتعمل مساكل وأخطاء كتيرة.
- جحا: آه صحيح يا حماري دي الناس بتزعل مني وبيقولوا لي إوعى تيجي تحضر معانا وليمة تاني نفسي أحضر الوليمة وفرصة النهارده مراتي عند أمها ومافيش أكل في البيت دي فرصة كبيرة يا حماري مش عايز أضيعها.
- الحمار: (ينهق) إنت حر يا جحا أنا حذرتك وقد أعذر من أنذر...
- جحا: أيوة أيوة جت لي فكرة يا حماري!!
- الحمار: (ينهق) إيه هي يا جحا؟
- جحا: إنت تيجي معايا وأنت حمار ذكي وشاطر. وكل ما اعمل غلطة تنهق لي وأنا حانتبه وأصلحها بسرعة.
- الحمار: ماشي يا جحا فكرة حلوة بس بشرط ما تضربنيش وتسمع كلامي...
- جحا: ماشي يا حماري المهم نروح العزومة وناكل ونتبسط يللا بينا يا حماري..
- الحمار: يللا بينا يا جحا.
- جحا: استنى يا حماري لما أقفل الباب كويس علشان ما حدش يدخل البيت في غيابي.
- الحمار: (ينهق)
- جحا: فيه ايه يا حماري بتنهق ليه؟
- الحمار: يا جحا انت نسيت تقول دعاء الخروج من المنزل.
- جحا: وهو لازم يعني أقوله؟
- الحمار: أيوة يا جحا إذا إنت قلته وإنت خارج من البيت بسم الله توكلت على الله ولا حول ولا قوة إلا بالله اللهم إني أعوذ بك أن أضل أو أضل أو أذل أو أذل أو أظلم أو أظلم أو أجهل أو يجهل علي, قالت لك الملائكة كفيت ووقيت وتنحى عنك الشيطان. وحفظ الله بيتك من كل أذى. ويا سلام يا جحا لو قلت أستودعك على نفسي وبيتي وأولادي...
- جحا: ماشي يا حماري. حاقول الدعاء بس فكرني بيه كده تاني وانتوا كمان يا أطفال فكروني.
- الحمار وجحا: يقولوا الدعاء...
- جحا: استنى بقه يا حماري لما أركب عليك أحسن المسافة طويلة ومش حاقدر أمشي على رجلي وانت حماري حتوصلني لبيت الوالي. (يركب عليه)
- الحمار: (ينهق) يا جحا فين دعاء الركوب؟!
- جحا: دعاء ركوب إيه يا حماري؟؟
- الحمار: يا جحا إذا ركبت أي دابة أو وسيلة مواصلات لازم تقول دعاء الركوب عشان ربنا يحفظك ويوصلك بالسلامة.
- جحا: أيوة صح يا حماري أنا كنت ناسي تصدق أنا عارف دعاء الركوب, مش هو: سبحان الذي سخر لنا هذا وما كنا له مقرنين وإنا إلى ربنا لمنقلبون. صح يا حماري؟
- الحمار: صح يا جحا.
- جحا: بس يا حماري هو فيه وسائل مواصلات ثانية الناس بتستخدمها غير الحمير؟
- (وهنا يطلع أي شخص يعلق ويقول): طبعاً يا جحا فيه وسائل مواصلات كتيرة زي الخيل والإبل ودلوقتي بقى فيه وسائل حديثة ماكنتش في زمانك هي إيه يا ولاد؟
- الأطفال: السيارة والطيارة والمركب وكمان الأساسنسير (المصعد)
- جحا: سانسير؟!؟! إيه هي الناس ديه مجانين ولا إيه؟
- الحمار: (ينهق) غلط. غلط يا جحا إنت شتمت الناس الحلوة دي ولازم تعتذر لهم وتطلب منهم يسامحوك.
- جحا: أنا آسف, سامحوني يا صحابي سامحوني سامحوني.. عاوز أسمعها منكم. سامحتوني؟
- (يرد الأولاد): سامحناك.
- جحا: شكراً شكراً.. يللا بينا نكمل مشوارنا يا حماري..
- درجن درجن درجن
- جحا: (يضحك) هاهاها شوف. بص يا حماري شوفالراجل التخين ده هاهاها وبص الراجل الطويل قوي ده اللي ماشي معاه هاهاها شكلهم يموت من الضحك هاهاها يا نهار أبيض هاهاها
- الحمار: (ينهق بغضب)
- جحا: فيه إيه يا حمار أنا غلطت في إيه بقه؟
- الحمار: (ينهق) يا جحا, لا يسخر قوم من قوم عسى أنا يكونوا خيراً منهم...
- جحا: يعني أنا كده بسخر منهم؟
- الحمار: أيوة وكمان اغتبتهم...
- جحا: اغتبتهم؟ يعني غيه اغتبتهم؟
- الحمار: الغيبة ذكرك أخالك بما يكره.
- جحا: بس ما أنا بقول الحق ما هو تخين والتاني طويل!
- الحمار: (ينهق) ما هي الغيبة ذكرك أخاك بما يكره فإذا كانت الصفة فيه فقد اغتبته وإن لم تكن فيه فقد بهتته.
- جحا: طيب أعمل إيه علشان ربنا يسامحني؟ أعمل إيه يا حماري؟
- الحمار: (ينهق) تروح تقول لهم انك قلت عليهم كده وتطلب منهم يسامحوك...
- جحا: لأ ما أقدرش دول حيزعلوا مني وممكن كمان يضربوني.
- الحمار: لو كنت مش هتقدر تقوللهم تبقى تدعي لهم بالمغفرة وتذكرهم بالخير في المكان الي اغتبتهم فيه.
- جحا: ماشي يا حماري (يدعي)
- جحا: أدينا وصلنا لبيت الوالي. أنا حاخبط على الباب.
- (يخبط على الباب تك تك تك)
- صوت من الداخل: مين بالباب؟
- جحا: أنا
- المنادي: مين مين بالباب؟
- جحا: أنا أنا
- الحمار: (ينهق) إيه يا جحا أنا أنا ديه؟
- جحا: أمال أقول إيه يا حماري؟
- الحمار: أنا جحا.
- جحا: إيه؟ إنت جحا؟ إنت سميت نفسك على اسمي ولا إيه يا حمار؟
- الحمار: يا جحا قول أنا جحا
- جحا: إنت بتكررها تاني؟ إنت عايز تسوي راسك براسي ولا إيه يا جمار هو عشان إنت ذكي وبتفهم أكتر مني تقوم تسمي إسمك على إسمي. آه يعني إحنا صحاب وحبايب أي نعم لكن تسمي اسمك على اسمي عشان يقولوا جحا الحمار جه جحا الحمار راح. لا لا لا لأ انا ما اسمحش بكده أبداً يا حمار.
- الحمار: يا جحا قوللهم انك انت جحا مش أنا جحا.
- جحا: يا حماري انت لخبطتني يعني انت اسمك جحا والا انا اسمي جحا ولا إيه بالضبط؟
- الحمار: لا, انت جحا... من آداب الزيارة يا جحا انك لما تخبط على الباب وصاحب البيت يسأل مين بالباب تقوللهم أنا فلان!
- جحا: آه فهمت
- المنادي: مين. مين بالباب؟
- جحا: أنا فلان
- المنادي: فلان مين؟
- الحمار: قول اسمك يا جحا
- جحا: آه فهمت... أنا جحا
- الحمار: أخيراً!! الحمد لله!
- جحا: أخيراً الأكل! اهه انا جعان جعان جداً إيه ده الترابيزة مليانة إيه ده, ده مافيش غير الكرسي ده الفاضي بس ده أنا لو قعدت عليه حبقى بغيد عن الأكل مش حيبقى قدامي غير صنفين بس! لأ. أنا حأقوم الراجل اللي قاعد في نص الترابيزة ده عشان ابقى انا في نص الترابيزة ومسيطر على الأكل كله.
- الحمار: (ينهق) لا يا جحا إوعى تعمل كده. ده ما يصحش وبعدين الرسول صلى الله عليه وسلم قال يا غلام سم الله وكل بيمينك وكل مما يليك. يعني تاكل من الاطباق اللي أدامك ولو عايز حاجة بعيدة عنك اعطي طبقك لواحد وقول له لو سمحت حط لي من الحاجة دي.
- جحا: ماشي بس بص شوف الناس عماله بتاكل ازاي حتخلص الاكل كله واخذين اكل كثير في اطباقهم
- الحمارينهق) إيه يا جحا ال انت بتعمله ده اوعي تبص في طبق حد كده غلط خلي عينك في طبقك إنتبس وقول ربنا يبارك لهم فياكلهم وصحتهم احسن كده تبقي بتحسد الناس وتتسببفي حدوث امراض بحسدك ده لهم .
- جحا:صحيح استغفر الله ربنا يبارك لهم في رزقهم ويارب ما تجعلنيش سبب اذيه اي إنسان
- الحمار: ايوة كده يا جحا لما غلط نستغفر ربنا عشان يسامحنا.
- جحا : يا سلام ياحماري انا حطيت الاكلفي طبقيانا حاكل بقه
- الحمار: (ينهق) استني ياجحا فين دعاء الطعام
- جحا :صحيح يا حماري انا من كثر فرحتي بالاكل نسيت اقول الدعاءالله ده حتي نستيني فكروني به كده
- الحمار :اللهم بارك لنا فيما رزقتنا وقنا عذاب النار بسم الله
- جحا :ياكل بصوت عالي
- الحمار( ينهق) ايه يا جحا الصوت العالي ده براحه شويه وانت بتاكل
- جحا: ماشي يا حماريا انت تعبتني قوي ياحماري انا خلاص شبعت يالا بينا نروح
- الحمار : انت قلت دعاء الانتهاء من الطعام؟
- جحا :ايوة صحيح انا نسيته فكرني به كده وانتم كمان فكروني
- الحمار:الحمد لله الذي اطعمنا وسقانا وجعلنا مسلمين
- جحا:ياللابينا نرجع البيت بسرعه احسن انا تعبت من كثر الاكل وعايز انام
- الحمار (ينهق) لازم ياجحا تشكر صاحب البيت وفيه دعاء جميل قوي تقوله للشخص ال عزمك علي اكل
- جحا: دعاء ايه يا حماري؟
- الحمار: اطعم الله من اطعمنا وسقي الله من سقانا اكل طعامكم الابرار وصلت عليكم الملائكه وذكركم الله فيمن عنده
- جحا : الله يا حماري ده دعاء جميل انا حاقوله لصاحب البيت بس انت ساعدني فيه احسن اتلخبط وانتم كمان ساعدوني
- يقولوا الدعاء ويقول السلام عليكم ورحمه الله وبركاته ويخلص المشهد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://tahaabosehlybk.ba7r.org/
Hossam Kamal
عضو نشيط جدا
عضو نشيط جدا
avatar

عدد المساهمات : 1800
تاريخ التسجيل : 25/10/2012
العمر : 19

مُساهمةموضوع: رد: مسرحيه جحا والحمار   الخميس نوفمبر 22, 2012 6:08 am

cheers cheers جميــــــــــلة جـــــــدااااااا خالـــــــــــص cheers cheers
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://illiweb.com/fa/prosilver/icon_contact_www.gif
محمود فوزى مرسى ابوسحلى
عضو نشيط جدا
عضو نشيط جدا
avatar

عدد المساهمات : 817
تاريخ التسجيل : 03/11/2012
العمر : 20
الموقع : عزبة شاكر الوزيرى بفرشوط

مُساهمةموضوع: رد: مسرحيه جحا والحمار   الإثنين نوفمبر 26, 2012 4:10 am

تمام جميله جدا هذه الاخبار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Hossam Kamal
عضو نشيط جدا
عضو نشيط جدا
avatar

عدد المساهمات : 1800
تاريخ التسجيل : 25/10/2012
العمر : 19

مُساهمةموضوع: رد: مسرحيه جحا والحمار   الخميس نوفمبر 29, 2012 2:41 pm

rendeer جميــــــــــــــــــــــل جــــــــــــــــــــــداااااااااااااااااااا santa
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://illiweb.com/fa/prosilver/icon_contact_www.gif
Hossam Kamal
عضو نشيط جدا
عضو نشيط جدا
avatar

عدد المساهمات : 1800
تاريخ التسجيل : 25/10/2012
العمر : 19

مُساهمةموضوع: رد: مسرحيه جحا والحمار   الخميس نوفمبر 29, 2012 2:42 pm

Very Happy تمـــــــــــــــام اخــــــــــــــــر حـــــــــــــاجـــــــــــــــه Very Happy
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://illiweb.com/fa/prosilver/icon_contact_www.gif
 
مسرحيه جحا والحمار
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
صحافة مدرسة السادات :: المنتدى العام :: ركن المسرح والشعر-
انتقل الى: