مجلة مدرسة السادات الاعدادية
 
الرئيسيةاليوميةس .و .جبحـثالأعضاءالمجموعاتالتسجيلدخول
مرحبا بكم فى منتداكم .. منتدى صحافه مدرسه السادات الاعداديه بفرشوط .. يسعدنا مشاركتكم معنا ونتمنى لكم قضاء وقت سعيد.. تحت اشراف الاستاذ محمد على الشيخ . اخصائى الصحافه بالمدرسه

شاطر | 
 

 مسرحية الصدق والامانه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمد احمد عاطف جلال
عضو فعال
عضو فعال
avatar

عدد المساهمات : 84
تاريخ التسجيل : 08/11/2012
العمر : 17

مُساهمةموضوع: مسرحية الصدق والامانه   الثلاثاء نوفمبر 20, 2012 12:31 pm

مسرحية الصدق والامانة

الشخصيات

زبيدة - العمدة ــــــــــــ سعفان - شلبية

زبيدة: ياناس يالى هنا . هو محدش هنا ولا اية؟
شعبان: فى اية ياستى ومين انتى وعاوزة اية؟
زبيدة: مالكشى صالح هو ان اجية اكل من بيتا ابوك.
العمدة: اية الدوشة الى برة دى . فيه اية ياولد المحروق انت.
زبيدة: اناياعمدة ــ أحب على رجلك ياعمدة شوفلى شغلة حتى لو خدامة عندك.
سعفان: يانهار اسود شوف سهوكة الحريم . يابوى يابوى عليهم.
العمدة: امشى ياواد ياسعفان ووديها عند ستك فى الدوار.
سعفان: امشى انجرى قدامى .
زبيدة: طب ماتذقش كدة.
سعفان: اترزعى هنا وما تتحركيش من مكانك لحد ماجيبلك ستك الحاجة.
زبيدة: طب غور انت وليك عليا زى ماسيبتنى هاتلاقينى
سعفان: ياست الحاجة .. ياست الحاجة.
شلبية: اية ياواد ياسعفان هامل زيطة وهليلة كدة لية.
سعفان: العمدة بعتلك واحدة ست وبيقولك شوفيها تنفع تشتغل عندنا فى الدوار.
شلبية: شكلها اية ياواد ياسعفان0
سعفان: دى زى لهطة القشطة بس عليها لسان زى الجموسة الحولة.
شلبية: طيب امشى انجر من قدامى دلوقتى.
سعفان: حاضر ياستى.
زبيدة: ازيك ياست هانم.
شلبية: مرحبتين... اسمك اية يابت؟
زبيدة: خدمتك زبيدة ياستى.
شلبية: وعايزة تتغلى اية يازيدة.
زبيدة: اى حاجة ياستى الى انتى شيفاة.
شلبية: يعنى ليكى فى شغل البيت.
زبيدة: طبعا ياستى بس المهم اقبض مرتب اخر الشهر أعلم بيه ولدى.
شلبية: ياصلاة النبى يابت يازيدة... انتى عندك ولد.
زبيدة: امال اية ياستى . ولد زى البدر المنور.
شلبية: خلاص يازبيدة. انا هاطلع اغير هدومى على ماسيدك يجى.
زبيدة: اتفضلى ياستى بيتك ومطرحك.
يابت بيقولك ابوكى ماتتطلعيش فى القيالة
سعفان: يابت يازبيدة.... يابت يازبيدة
زبيدة: فيه اية ياهباب البرك انت خليت قلبى يفطمنى.
سعفان: ليه هو انتى بيتتخضى يابوز الاخص.
زبيدة: ايوة
سعفان: بيقولك سيدك العمدة اعملى اكل يامة علشان هو عامل البتاع الى اسمة اية دة؟ الى بيلموا الناس حوليهم دية فولى معايا اسمه اية؟
زبيدة: ايوة ياواد اسمها ودوة.
سعفان: ايوة برافو عليكى يابت يازبيدة هية دية.
زبيدة: وهتكون عن اية دى ياواد ياسعفان.
سعفان: عن الصدق والامانة.
زبيدة: ياحلاوة ياولاد وكمان عن الصدق والامانة طب روح انت وانا هبلغ ستك الحجة.
سعفان: طيب قوليلها بسرعة على مابلغ اهل الكفر.
زبيدة: ياست الحجة.... ياست هانم.
شلبية: فيه اية يابت يازبيدة.
زبيدة: الولد سعفان جه وقال كذا وكذا وكذا.
شلبية: مستنية اية يابت اجرى وجهزى الوكل.
زبيدة: حاضر ياستى ثانية واحدة ويكون الاكل جاهز.
سعفان: ياعمدة... ياعمدة.
العمدة: فيه اية ياواد المحروق تكلم ــ انطق.
سعفان: انا قلت لاهل الكفر هيتجمعوا الليلة فى الودوة.
العمدة: فية اية ياولد؟
سعفان: فى الاجتماع اصل اسمة الودوة البنت زبيدة هية الى بيتقول كدة.
العمدة: ياواد ياسعفان تصدق البنت زبيدة مثقفة.
زبيدة: ياواد ياسعفان انت ياهباب البرك قول لسيدك الوكل جاهز.
سعفان: غورى انتى دلوقتى وانا هبلغة علشان فية رجالة جوة.
شلبية: يابت يازبيدة... يابت يازبيدة.
زبيدة: نعم ياستى جاية اهوه.
شلبية: كنتى غين يابت وسيبة الدوار لوحدة.
زبيدة: كنت ببلغ الرجالة ان الوكل جاهز.
شلبية: طب انجرى من قدامى لوقتى.
زبيدة: حاضر ياستى.
العمدة: ياواد ياسعفان خد لفلوس دى ووديها لستك الحاجة.
سعفان: حاضر ياسيدى.
العمدة: ودى الفلوس تعالى هنا طوالى.
سعفان: يابت يازبيدة.... تعالى هنا انجرى.
زبيدة: فيه اية يازفت ستك نايمة تعبانة وانت بيتنعر زى الحمار الى فى الزريبة... واصل عايز اية؟
سعفان: خدى الفلوس دى ووديها لستك الحاجة.
زبيدة: فلوس!كم دول ياواد يا سعفان؟
سعفان: دى فلوس لو قعدى طول عمرك عمرك تشتغلى مش هتجيبى ربعهم.
شلبية: بت يازبيدة بتتحدثى مع مين يازفت.
زبيدة: طب امشى دلوقتى بسرعة ستى صحيت وشكلها قرفانة.
شلبية: بتتحدثى مع مين يابت.
زبيدة: لا ياستى انا كنت بطمن على ولدى فى التليفون.
شلبية: العمدة مجاش يابت.
زبيدة: لاء ياستى زمانة على وصول.
العمدة: بت يازبيدة الواد سعفان مجاش هنة؟
زبيدة: لاء والنبى ياسيدى ماشوفتهوش الليلة.
شلبية: فيه اية ياعمدة؟
العمدة: الواد المحروق بعتة بالفلوس علشان يديهالك هو ماجاش.
شلبية: كيف دة ياعمدة ... يابت يازبيدة.
زبيدة: ياوقعتك الطين يازبيدة.. ايوة ياست الحاجة انا جاية اهو.
شلبية: الواد سعفان ماجاش؟
زبيدة: لاء ياستى اعدم نظرى ماشفتوش.
شلبية: طب غورى دلوقتى.
زبيدة: حاضر ياستى.
شلبية: وايه العمل ياعمدة؟
العمدة: ياخربيتك ياعمدة.
سعفان: ياعمدة... ياعمدة.
العمدة: الحقيتى ياشلبية.. صوت الواد سعفان.
شلبية: طب قوم شوفة قبل مالجموسة الى برة تقولة حاجة.
العمدة: ياسعفان تعالى انا عيزك.
سعفان: حاضر ياسيدى.
العمدة: وديت الفلوس الى انا ادتهالك فين يالولد.
سعفان: ورحمة ابوى اديتها للبت زبيدة.
العمدة: بت يازبيدة.
زبيدة: نعم ياسيدى.
العمدة: انتى خدتى الفلوس من الواد سعفان.
زبيدة: انشالة انطص فى نظرى ياسيدى.انشالة اعدم ولدى الى بترجاة من الدنيا.
شلبية: لاء ياعمدة زبيدة ماتعملهاش ابدا.
زبيدة: الله يخليكى ياستى وما يحرمنيش منك.
شلبية: روحى انتى يازبيدة واطلبى بوليس النجدة دلوقتى.
زبيدة: حاضر ياستى.
الو بوليس النجدة معايا عندنا قضية سرقة فى دوار العمدة
شلبية: طلبتى النجدة؟
زبيدة: ايوة ياستى وجاى دلوقت.
العمدة: ياحضرة المأمور انا امنتة على الفلوس وهو طمع فيها.
المأمور: حاضر ياعمدة سيب القانون ياخد مجراة. اقبضوا عليه.
سعفان: واللهى بريئ مظلوم حسبيى الله ونعم الوكيل.
شلبية: لاحول ولا قوة الا بالله ليه الفلوس بيتغريك ياسعفان.
زبيدة: ياستى سايج عليكى النبى اروح اطمن على ولدى فى التليفون.
شلبية: طب روحى وماطوليش فى التليفون تبقى موت وخراب ديار.
زبيدة: حاضر ياستى.
العمدة: بت يازبيدة وانتى راجعة هاتى كبيتين شاى.
زبيدة: الو....الو.....الو.
ازيك ياختى عاملة اية؟ وازى ولدى عامل اية؟ انتى مابيترديش عليا لية فيه حاجة ولدى فية حاجة ولدى كيفة انطقى اتكلمى!!!!!!!
الاخت: ولدك مات يازبيدة.
والدى.....والدى.....والدى
زبيدة: انا الى سرقت الفلوس يابية.
العمدة: اجرى يالا اتصل بالبوليس.
الفقير: البوليس جاى حالا ياعمدة.
شلبية: ياخسارة ثقتى فيكى يازبيدة.
الفقير: البوليس وصل ياعمدة.
المأمور: اقبض عليها.
القاضى: ايه تهمتك.
زبيدة: لا....لا....لا.
القاضى: اية زنبك.
زبيدة: لا....لا...لا.
القاضى: الدفاع يتفضل.
زبيدة: مش عاوزة اى دفاع ولا عاوزة كلمة شرف انا قلبى خلاص مات من يوم ماهو اندفن.
القاضى: اية الحكاية قولولى انا مش عارف هية مجنى ولا مجنى عليها.
زبيدة: انا وحدة غلبانة بسعى فى البلاد وكان عندى قلب واحد لكن خلاص مات.
القاضى: مش فاهم ياستى وضحى اكتر.
زبيدة: افولك اية ياسيدى انا مش عاوزة البرأة اطلع للدنيا لية؟ دى فيها الوحوش يامة.
القاضى: عندك اقوال اخرى.
القاقضى: نادى على الشاهد الاول.
المنادى: ابو العنين عبدالباسط زعبل.
العمدة: نعم يابية انا هنا اهو.
القاضى: اقسم اليامين اقول الحق.
العمدة : واللهى العظيم اقول الحق... انا تاجر وماسك عمدةالبلد.
القاضى: نادى على الشاهد الثانى.
المنادى: شلبية احمد منصور.
شلبية: ايوة ياحضرة القاضى.
القاضى: اقسمى اليمين على الاسئلة.
شلبية: واللهى العظيم اقول الحق.
القاضى: لية ياشلبية مشكتيش فى زبيدة.
شلبية: علشان انا بثق فيها.
القاضى: اية رأيك فى كلام ابو العنين عبدالباسط زعبل.
شلبية: كلامة صح وعين العقل ياسيدى.
القاضى: اتفضلى انتى ياشلبية.
شلبية: شكرا ياحضرة القاضى.
القاضى: عنك اى حاجة تقوليها يازبيدة.
زبيدة: لا ياسيدى ماعنديش اى اعتراض على كلامهم انا الى طمعت فى الفلوس. الفلوس عمت عنيا وما كنتش صادقة ولا امينة على مالهم بس كان كل همى اعلم ولدى بيهم.. وادى جزات المال الحرام وانا رادية بحكمك وخدمتك ياسيدى.
القاضى: الحكم بعد المناولة.
المنادى: محكمة.
القاضى: حضرت المحكمة حضوريا على المتهمة زبيدة محمد العشماوى.
اهل القرية: يحيا العدل.
سعفان: يحيا العدل الحمد لله يارب ظهرت برائتى.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Hossam Kamal
عضو نشيط جدا
عضو نشيط جدا
avatar

عدد المساهمات : 1800
تاريخ التسجيل : 25/10/2012
العمر : 18

مُساهمةموضوع: رد: مسرحية الصدق والامانه   الخميس نوفمبر 22, 2012 6:07 am

cheers cheers جميــــــــــلة جـــــــدااااااا خالـــــــــــص cheers cheers
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://illiweb.com/fa/prosilver/icon_contact_www.gif
محمود فوزى مرسى ابوسحلى
عضو نشيط جدا
عضو نشيط جدا
avatar

عدد المساهمات : 817
تاريخ التسجيل : 03/11/2012
العمر : 19
الموقع : عزبة شاكر الوزيرى بفرشوط

مُساهمةموضوع: رد: مسرحية الصدق والامانه   الإثنين نوفمبر 26, 2012 4:10 am

تمام جميله جدا هذه الاخبار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Hossam Kamal
عضو نشيط جدا
عضو نشيط جدا
avatar

عدد المساهمات : 1800
تاريخ التسجيل : 25/10/2012
العمر : 18

مُساهمةموضوع: رد: مسرحية الصدق والامانه   الخميس نوفمبر 29, 2012 2:41 pm

rendeer جميــــــــــــــــــــــل جــــــــــــــــــــــداااااااااااااااااااا santa
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://illiweb.com/fa/prosilver/icon_contact_www.gif
Hossam Kamal
عضو نشيط جدا
عضو نشيط جدا
avatar

عدد المساهمات : 1800
تاريخ التسجيل : 25/10/2012
العمر : 18

مُساهمةموضوع: رد: مسرحية الصدق والامانه   الخميس نوفمبر 29, 2012 2:42 pm

Very Happy تمـــــــــــــــام اخــــــــــــــــر حـــــــــــــاجـــــــــــــــه Very Happy
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://illiweb.com/fa/prosilver/icon_contact_www.gif
 
مسرحية الصدق والامانه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
صحافة مدرسة السادات :: المنتدى العام :: ركن المسرح والشعر-
انتقل الى: